(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.224. అధ్యాయః 224
Mahabharata - Shanti Parva - Chapter Topics
భీష్మేణ యుధిష్ఠిరంప్రతి గార్హస్థ్యే స్థితస్యాపి భగవదుపాసకస్య జ్ఞానినః పురుషార్థసిద్ధౌ దృష్టాంతతయా సువర్చలాశ్వేతకేతూపాఖ్యానకథనం॥ 1॥
Mahabharata - Shanti Parva - Chapter Text

`యుధిష్ఠిర ఉవాచ। 12-224-0x(6107)(74111)
అస్తి కశ్చిద్యది విభో సదారో నియతో గృహే।
అతీతసర్వసంసారః సర్వద్వంద్వవివర్జితః।
తం మే బ్రూహి మహాప్రాజ్ఞ దుర్లభః పురుషో మహాన్॥ 12-224-1(74112)
భీష్మ ఉవాచ। 12-224-2x(6108)
శృణు రాజన్యథావృత్తం యన్మాం త్వం పృష్టవానసి।
ఇతిహాసమిమం శుద్ధం సంసారభయభేషజం॥ 12-224-2(74113)
దేవలో నామ విప్రర్షిః సర్వశాస్త్రార్థకోవిదః।
క్రియావాంధార్మికో నిత్యం దేవబ్రాహ్మణపూజకః॥ 12-224-3(74114)
సుతా సువర్చలా నామ తస్య కల్యాణలక్షణా।
నాతిహ్రస్వా నాతికృశా నాతిదీర్ఘా యశస్వినీ।
ప్రదానసమయం ప్రాప్తా పితా తస్య హ్యచింతయత్॥ 12-224-4(74115)
అస్యాః పతిః కుతో వేతి బ్రాహ్మణః శ్రోత్రియః పరః।
విద్వాన్విప్రో హ్యకుటుంబః ప్రియవాదీ మహాతపాః॥ 12-224-5(74116)
ఇత్యేవం చింతయానం తం రహస్యాహ సువర్చలా॥ 12-224-6(74117)
అంధాయ మాం మహాప్రాజ్ఞ దేహ్యనంధాయ వై పితః।
ఏవం స్మర సదా విద్వన్మమేదం ప్రార్థితం మునే॥ 12-224-7(74118)
పితోవాచ। 12-224-8x(6109)
న శక్యం ప్రార్థితం వత్సే త్వయాఽద్య ప్రతిభాతి మే।
అంధతానంధతా చేతి వికారో మమ జాయతే॥ 12-224-8(74119)
ఉన్మత్తేవాశుభం వాక్యం భాషసే శుభలోచనే॥ 12-224-9(74120)
సువర్చలోవాచ। 12-224-10x(6110)
నాహమున్మత్తభూతాఽద్య బుద్ధిపూర్వం బ్రవీమి తే।
విద్యతే చేత్పతిస్తాదృక్స మాం భరతి వేదవిత్॥ 12-224-10(74121)
యేభ్యస్త్వం మన్యసే దాతుం మామిహానయ తాంద్విజాన్।
తాదృశం తం పతిం తేషు వరయిష్యే యథాతథం॥ 12-224-11(74122)
భీష్మ ఉవాచ। 12-224-12x(6111)
తథేతి చోక్త్వా తాం కన్యామృషిః శిష్యానువాచ హ।
బ్రాహ్మణాన్వేదసంపన్నాన్యోనిగోత్రవిశోధితాన్॥ 12-224-12(74123)
మాతృతః పితృతః శుద్ధాఞ్శుద్ధానాచారతః శుభాన్।
అరోగాన్బుద్ధిసంపన్నాఞ్శీలసత్వగుణాన్వితాన్॥ 12-224-13(74124)
అసంకీర్ణాంశ్చ గోత్రేషు వేదవ్రతసమన్వితాన్।
బ్రాహ్మణాన్స్నాతకాఞ్శీఘ్రం మాతాపితృసమన్వితాన్।
నివేష్టుకామాన్కన్యాం మే దృష్ట్వాఽఽనయత శిష్యకాః॥ 12-224-14(74125)
తచ్ఛ్రుత్వా త్వరితాః శిష్యా హ్యాశ్రమేషు తతస్తతః।
గ్రామేషు చ తతో గత్వా బ్రాహ్మణేభ్యో న్యవేదయన్॥ 12-224-15(74126)
ఋషేః ప్రభావం మత్వా తే కన్యాయాశ్చ ద్విజోత్తమాః।
అనేకమునయో రాజన్సంప్రాప్తా దేవలాశ్రమం॥ 12-224-16(74127)
అనుమాన్య యథాన్యాయం మునీన్మునికుమారకాన్।
అభ్యర్చ్య విధివత్తత్ర కన్యామాహ పితా మహాన్॥ 12-224-17(74128)
ఏతేఽపి మునయో వత్సే స్వపుత్రైకమతా ఇహ।
వేదవేదాంగసంపన్నాః కులీనాః శీలసంమతాః॥ 12-224-18(74129)
యేఽమీ తేషు వరం భద్రే త్వమిచ్ఛసి మహావ్రతం।
తం కుమారం వృణీష్వాద్య తస్మై దాస్యాంయహం శుభే॥ 12-224-19(74130)
తథేతి చోక్త్వా కల్యాణీ తప్తహేమనిభా తదా।
సర్వలక్షణసంపన్నా వాక్యమాహ యశస్వినీ॥ 12-224-20(74131)
విప్రాణాం సమితీర్దృష్ట్వా ప్రణిపత్య తపోధనాన్।
యద్యస్తి సమితౌ విప్రో హ్యంధోఽనంధః స మే వరః॥ 12-224-21(74132)
తచ్ఛ్రుత్వా మునయస్తత్ర వీక్షమాణాః పరస్పరం।
నోచుర్విప్రా మహాభాగాః కన్యాం మత్వా హ్యవేదికాం॥ 12-224-22(74133)
కుత్సయిత్వా మునిం తత్ర మనసా మునిసత్తమాః।
యథాగతం యయుః క్రుద్ధా నానాదేశనివాసినః॥ 12-224-23(74134)
కన్యా చ సంస్థితా తత్ర పితృవేశ్మని భామినీ॥ 12-224-24(74135)
తతః కదాచిద్బ్రహ్మణ్యో విద్వాన్న్యాయవిశారదః।
ఊహాపోహవిధానజ్ఞో బ్రహ్మచర్యసమన్వితః॥ 12-224-25(74136)
వేదవిద్వేదతత్వజ్ఞః క్రియాకల్పవిశారదః।
ఆత్మతత్వవిభాగజ్ఞః పితృమాన్గుణసాగరః॥ 12-224-26(74137)
శ్వేతకేతురితి ఖ్యాతః శ్రుత్వా వృత్తాంతమాదరాత్।
కన్యార్థం దేవలం చాపి శీఘ్రం తత్రాగతోఽభవత్॥ 12-224-27(74138)
ఉద్దాలకసుతం దృష్ట్వా శ్వేతకేతుం మహావ్రతం।
యథాన్యాయం చ సంపూజ్య దేవలః ప్రత్యభాషత॥ 12-224-28(74139)
కన్యే ఏష మహాభాగే ప్రాప్తో ఋషికుమారకః।
వరయైనం మహాప్రాజ్ఞం వేదవేదాంగపారగం॥ 12-224-29(74140)
తచ్ఛ్రుత్వా కుపితా కన్యా ఋషిపుత్రముదైక్షత।
తాం కన్యామాహ విప్రర్షిః సోఽహం భద్రే సమాగతః॥ 12-224-30(74141)
అంధోఽహమత్ర తత్వం హి తథా మన్యే చ సర్వదా।
విశాలనయనం విద్ధి తథా మాం హీనసంశయం।
వృణీష్వ మాం వరారోహే భజే చ త్వామనిందితే॥ 12-224-31(74142)
యేనేదం వీక్షతే నిత్యం వృణోతి స్పృశతేఽథవా।
ఘ్రాయతే వక్తి సతతం యేనేదం సార్యతే పునః॥ 12-224-32(74143)
యేనేదం మన్యతే తత్వం యేన బుధ్యతి వా పునః।
న చక్షుర్విద్యతే హ్యేతత్స వై భూతాంధ ఉచ్యతే॥ 12-224-33(74144)
యస్మిన్ప్రవర్తతే చేదం పశ్యంఛృణ్వన్స్పృశన్నపి।
జిఘ్రంశ్చ రసయంస్తద్వద్వర్తతే యేన చక్షుషా॥ 12-224-34(74145)
తన్మే నాస్తి తతో హ్యంధో వృణు భద్రేఽద్య మామతః।
లోకదృష్ట్యా కరోమీహ నిత్యనైమిత్తికాదికం॥ 12-224-35(74146)
ఆత్మదృష్ట్యా చ తత్సర్వం విలిప్యాసి చ నిత్యశః।
స్థితోఽహం నిర్భరః శాంతః కార్యకారణభావనః॥ 12-224-36(74147)
అవిద్యయా తరన్మృత్యుం విద్యయా తం తథాఽమృతం।
యథాప్రాప్తం తు సందృశ్య వసామీహ విమత్సరః।
క్రీతే వ్యవసితం భద్రే భర్తాఽహం తే వృణీష్వ మాం॥ 12-224-37(74148)
భీష్మ ఉవాచ। 12-224-38x(6112)
తతః సువర్చలా దృష్ట్వా ప్రాహ తం ద్విజసత్తమం।
మనసాఽసి వృతో విద్వఞ్శేషకర్తా పితా మమ।
వృణీష్వ పితరం మహ్యమేష వేదవిధిక్రమః॥ 12-224-38(74149)
తద్విజ్ఞాయ పితా తస్యా దేవలో మునిసత్తమః।
శ్వేతకేతుం చ సంపూజ్య తథైవోద్దాలకేన తం॥ 12-224-39(74150)
మునీనామగ్రతః కన్యాం ప్రదదౌ జలపూర్వకం।
ఉదాహరంతి వై తత్ర శ్వేతకేతుం నిరీక్ష్య తం॥ 12-224-40(74151)
హృత్పుండరీకనిలయః సర్వభూతాత్మకో హరిః।
శ్వేతకేతుస్వరూపేణ స్థితోఽసౌ మధుసూదనః॥ 12-224-41(74152)
ప్రీయతాం మాధవో దేవః పత్నీ చేయం సుతా మమ।
ప్రతిపాదయామి తే కన్యాం సహధర్మచరీం శుభాం।
ఇత్యుక్త్వా ప్రదదౌ తస్మై దేవలో మునిపుంగవః॥ 12-224-42(74153)
ప్రతిగృహ్య చ తాం కన్యాం శ్వేతకేతుర్మహాయశాః।
ఉపయంయ యథాన్యాయమత్ర కృత్వా యథావిధి॥ 12-224-43(74154)
సమాప్య తంత్రం మునిభిర్వైవాహికమనుత్తమం।
స గార్హస్థ్యే వసంధీమాన్భార్యాం తామిదమబ్రవీత్॥ 12-224-44(74155)
యాని చోక్తాని వేదేషు తత్సర్వం కురు శోభనే।
మయా సహ యథాన్యాయం సహధర్మచరీ మం॥ 12-224-45(74156)
అహమిత్యేవ భావేన స్థితోఽహం త్వం తథైవ చ।
తస్మాత్కర్మాణి కుర్వీథాః కుర్యాం తే చ తతః పరం॥ 12-224-46(74157)
న మమేతి చ భావేన జ్ఞానాగ్నినిలయేన చ।
అనంతరం తథా కుర్యాస్తాని కర్మాణి భస్మసాత్॥ 12-224-47(74158)
ఏవం త్వయా చ కర్తవ్యం సర్వదా దుర్భగా మయా।
యద్యదాచరతి శ్రేష్ఠస్తత్తదేవేతరో జనః।
తస్మాల్లోకస్య సిద్ధ్యర్థం కర్తవ్యం చాత్మసిద్ధయే॥ 12-224-48(74159)
ఉక్త్వైవం స మహాప్రాజ్ఞః సర్వజ్ఞానైకభాజనః।
పుత్రానుత్పాద్య తస్యాం చ యజ్ఞైః సంతర్ప్య దేవతాః॥ 12-224-49(74160)
ఆత్మయోగపరో నిత్యం నిర్ద్వంద్వో నిష్పరిగ్రహః।
భార్యాం తాం సదృశీం ప్రాప్య బుద్ధిం క్షేత్రజ్ఞయోరివ॥ 12-224-50(74161)
లోకమన్యమనుప్రాప్తౌ భార్యా భర్తా తథైవ చ।
సాక్షిభూతౌ జగత్యస్మింశ్చరమాణౌ ముదాఽన్వితౌ॥ 12-224-51(74162)
తతః కదాచిద్భర్తారం శ్వేతకేతుం సువర్చలా।
పప్రచ్ఛ కో భవానత్ర బ్రూహి మే తద్ద్విజోత్తమ॥ 12-224-52(74163)
తామాహ భగవాన్వాగ్మీ తయా జ్ఞాతో న సంశయః।
ద్విజోత్తమేతి మాముక్త్వా పునః కమనుపృచ్ఛసి॥ 12-224-53(74164)
సా తమాహ మహాత్మానం పృచ్ఛామి హృది శాయినం।
తచ్ఛ్రుత్వా ప్రత్యువాచైనాం స న వక్ష్యతి భామిని॥ 12-224-54(74165)
నామగోత్రసమాయుక్తమాత్మానం మన్యసే యది।
తన్మిథ్యాగోత్రసద్భావే వర్తతే దేహబంధనం॥ 12-224-55(74166)
అహమిత్యేష భావోఽత్ర త్వయి చాపి సమాహితః।
త్వమప్యహమహం సర్వమహమిత్యేవ వర్తతే।
నాత్ర తత్పరమార్థం వై కిమర్థమనుపృచ్ఛసి॥ 12-224-56(74167)
తతః ప్రహస్య సా హృష్టా భర్తారం ధర్మచారిణీ।
ఉవాచ వచనం కాలే స్మయమానా తదా నృప॥ 12-224-57(74168)
కిమనేకప్రకారేణ విరోధేన ప్రయోజనం।
క్రియాకలాపైర్బ్రహ్మర్షే జ్ఞాననష్టోఽసి సర్వదా।
తన్మే బ్రూహి మహాప్రాజ్ఞ యథాఽహం త్వామనువ్రతా॥ 12-224-58(74169)
శ్వేతకేతురువాచ। 12-224-59x(6113)
యద్యదాచరతి శ్రేష్ఠస్తత్తదేవేతరో జనః।
వర్తతే తేన లోకోఽయం సంకీర్ణశ్చ భవిష్యతి॥ 12-224-59(74170)
సంకీర్ణే చ తథా ధర్మే వర్ణః సంకరమేతి చ।
సంకరే చ ప్రవృత్తే తు మాత్స్యో న్యాయః ప్రవర్తతే॥ 12-224-60(74171)
తదనిష్టం హరేర్భద్రే ధాతురస్య మహాత్మనః।
పరమేశ్వరసంక్రీడా లోకసృష్టిరియం శుభే॥ 12-224-61(74172)
యావత్పాసవ ఉద్దిష్టాస్తావత్యోఽస్య విభూతయః।
తావత్యశ్చైవ మాయాస్తు తావత్యోఽస్యాశ్చ శక్తయః॥ 12-224-62(74173)
ఏవం సుగహ్వరే యుక్తో యత్ర మే తద్భవాభవం।
ఛిత్త్వా జ్ఞానాసినా గచ్ఛేత్స విద్వాన్స చ మే ప్రియః।
సోఽహమేవ న సందేహః ప్రతిజ్ఞా ఇతి తస్య వై॥ 12-224-63(74174)
యే మూఢాస్తే దురాత్మానో ధర్మసంకరకారకాః।
మర్యాదాభేదకా నీచా నరకే యాంతి జంతవః॥ 12-224-64(74175)
ఆసురీం యోనిమాపన్నా ఇతి దేవానుశాసనం॥ 12-224-65(74176)
భగవత్యా తథా లోకే రక్షితవ్యం న సంశయః।
మర్యాదాలోకరక్షార్థమేవమస్తి తథా స్థితః॥ 12-224-66(74177)
సువర్చలోవాచ। 12-224-67x(6114)
శబ్దః కోత్ర ఇతి ఖ్యాతస్తథాఽర్థం చ మహామునే।
ఆకృత్యా పతయో బ్రూహి లక్షణేన పృథక్పృథక్॥ 12-224-67(74178)
శ్వేతకేతురువాచ। 12-224-68x(6115)
వ్యత్యయేన చ వర్ణానాం పరివాదకృతో హి యః।
స శబ్ద ఇతి విజ్ఞేయస్తన్నిపాతోఽర్థ ఉచ్యతే॥ 12-224-68(74179)
సువర్చలోవాచ। 12-224-69x(6116)
శబ్దార్థయోర్హి సంబంధస్త్వనయోరస్తి వా న వా।
తన్మే బ్రూహి యథాతత్వం శబ్దస్యానేఽర్థ ఏవ చేత్॥ 12-224-69(74180)
శ్వేతకేతురువాచ। 12-224-70x(6117)
శబ్దార్థయోర్న చైవాస్తి సంబంధోఽత్యంత ఏవ హి।
పుష్కరే చ యథా తోయం తథాఽస్మీతి చ వేత్థ తత్॥ 12-224-70(74181)
సువర్చలోవాచ। 12-224-71x(6118)
అర్థే స్థితిర్హి శబ్దస్య నాన్యథా చ స్థితిర్భవేత్।
విద్యతే చేన్మహాప్రాజ్ఞ వినాఽర్థం బ్రూహి సత్తమ॥ 12-224-71(74182)
శ్వేతకేతురువాచ। 12-224-72x(6119)
ససంసర్గోఽతిమాత్రస్తు వాచకత్వేన వర్తతే।
అస్తి చేద్వర్తతే నిత్యం వికారోచ్చారణేన వై॥ 12-224-72(74183)
సువర్చలోవాచ। 12-224-73x(6120)
శబ్దస్థానోత్ర ఇత్యుక్తస్తథాఽర్థ ఇతి మే కృతః।
అర్థః స్థితో న తిష్ఠేచ్చ విరూఢమిహ భాషితం॥ 12-224-73(74184)
శ్వేతకేతురువాచ। 12-224-74x(6121)
న వికూలోఽత్ర కథితో నాకాశం హి వినా జగత్।
సంబంధస్తత్ర నాస్త్యేవ తద్వదిత్యేష మన్యతాం॥ 12-224-74(74185)
సువర్చలోవాచ। 12-224-75x(6122)
సదాఽహంకారశబ్దోఽయం వ్యక్తమాత్మని సంశ్రితః।
న వాచస్తత్ర వర్తంతే ఇతి మిథ్యా భవిష్యతి॥ 12-224-75(74186)
శ్వేతకేతురువాచ। 12-224-76x(6123)
అహంశబ్దో హ్యహంభావో నాత్మభావే శుభవ్రతే।
న వర్తంతే పరేఽచింత్యే వాచః సగుణలక్షణాః॥ 12-224-76(74187)
సువర్చలోవాచ। 12-224-77x(6124)
అహం గాత్రైకతః శ్యామా భావనపి తథైవ చ।
తన్మే బ్రూహి యథాన్యాయమేవం చేన్మునిసత్తమ॥ 12-224-77(74188)
శ్వేతకేతురువాచ। 12-224-78x(6125)
మృణ్మయే హి ఘటే భావస్తాదృగ్భావ ఇహేష్యతే।
అయం భావః పరేఽచింత్యే హ్యాత్మభావో యథాచ తత్॥ 12-224-78(74189)
అహం త్వమేతదిత్యేవ పరే సంకల్పనా మయా।
తస్మాద్వాచో న వర్తంత ఇతి నైవ విరుధ్యతే॥ 12-224-79(74190)
తస్మాద్వామేన వర్తంతే మనసా భీరు సర్వశః।
యథాఽఽకాశగతం విశ్వం సంసక్తమివ లక్ష్యతే॥ 12-224-80(74191)
సంసర్గే సతి సంబంధాత్తద్వికారం భవిష్యతి।
అనాకాశగతం సర్వం వికారే చ సదా గతం॥ 12-224-81(74192)
తద్బ్రహ్మ పరమం శుద్ధమనౌషంయం న శక్యతే।
న దృశ్యతే తథా తచ్చ దృశ్యతే చ మతిర్మమ॥ 12-224-82(74193)
సువర్చలోవాచ। 12-224-83x(6126)
నిర్వికారం హ్యమూర్తి చ నిరయం సర్వగం తథా।
దృశ్యతే చ వియన్నిత్యం దృగాత్మా తేన దృశ్యతే॥ 12-224-83(74194)
శ్వేతకేతురువాచ। 12-224-84x(6127)
త్వచా స్పృశతి వై వాయుమాకాశస్థం పునః పునః।
తత్స్థం గంధం తథాఘ్రాతి జ్యోతిః పశ్యతి చక్షుషా॥ 12-224-84(74195)
తమోరశ్మిగణశ్చైవ మేఘజాలం తథైవ చ।
వర్షం తారాగణం చైవ నాకాశం దృశ్యతే పునః॥ 12-224-85(74196)
ఆకాశస్యాప్యథాకాశం సద్రూపమితి నిశ్చితం।
తదర్థే కల్పితా హ్యేతే తత్సత్యో విష్ణురేవ చ।
యాని నామాని గౌణాని హ్యుపచారాత్పరాత్మని॥ 12-224-86(74197)
న చక్షుషా న మనసా న చాన్యేన పరో విభుః।
చింత్యతే సూక్ష్మయా బుద్ధ్యా వాచా వక్తుం న శక్యతే॥ 12-224-87(74198)
ఏతత్ప్రపంచమఖిలం తస్మిన్సర్వం ప్రతిష్ఠితం।
మహాఘటోఽల్పకశ్చైవ యథా మహ్యాం ప్రతిష్ఠితౌ॥ 12-224-88(74199)
న చ స్త్రీ న పుమాంశ్చైవ యథైవ న నపుంసకః।
కేవలజ్ఞానమాత్రం తత్తస్మిన్సర్వం ప్రతిష్ఠితం॥ 12-224-89(74200)
భూమిసంస్థానయోగేన వస్తుసంస్థానయోగతః।
రసభేదా యథా తోయే ప్రకృత్యామాత్మనస్తథా॥ 12-224-90(74201)
తద్వాక్యస్మరణాన్నిత్యం తృప్తిం వారి పిబన్నివ।
ప్రాప్నోతి జ్ఞానమఖిలం తేన తత్సుఖమేధతే॥ 12-224-91(74202)
సువర్చలోవాచ। 12-224-92x(6128)
అనేన సాధ్యం కిం స్యాద్వై శబ్దేనేతి మతిర్మమ।
వేదగంయః పరోఽచింత్య ఇతి పౌరాణికా విదుః॥ 12-224-92(74203)
నిరర్థకో యథా లోకే తద్వత్స్యాదితి మే మతిః।
నిరీక్ష్యైవం యథాన్యాయం వక్తుమర్హసి మేఽనఘ॥ 12-224-93(74204)
శ్వేతకేతురువాచ। 12-224-94x(6129)
వేదగంయం పరం శుద్ధమితి సత్యా పరా శ్రుతిః।
వ్యాహత్యా నైతదిత్యాహ వ్యుపలింగే చ వర్తతే॥ 12-224-94(74205)
నిరర్థకో న చైవాస్తి శబ్దో లౌకిక ఉత్తమే।
అనన్వయాస్తథా శబ్దా నిరర్థా ఇతి లౌకికైః॥ 12-224-95(74206)
గృహ్యంతే తద్వదిత్యేవ న వర్తంతే పరాత్మని।
అగోచరత్వం వచసాం యుక్తమేవం తథా శుభే॥ 12-224-96(74207)
సాధనస్యోపదేశాచ్చ హ్యుపాయస్య చ సూచనాత్।
ఉపలక్షణయోగేన వ్యావృత్త్యా చ ప్రదర్శనాత్।
వేదగంయః పరః శుద్ధ ఇతి మే ధీయతే మతిః॥ 12-224-97(74208)
అధ్యాత్మధ్యానసంభూతమభూతం----- వత్స్ఫుటం।
జ్ఞానం విద్ధి శుభాచారే తేన యాంతి పరాం గతిం॥ 12-224-98(74209)
యది మే వ్యాహృతం గుహ్యం శ్రుతం న తు త్వయా శుభే।
తథ్యమిత్యేవ వా శుద్ధే జ్ఞానం జ్ఞానవిలోచనే॥ 12-224-99(74210)
నానారూపవదస్యైవమైశ్వర్యం దృశ్యతే శుభే।
న వాయుస్తం న సూర్యస్తం నాగ్నిస్తత్తత్పరం పదం॥ 12-224-100(74211)
అనేన పూర్ణమేతద్ధి హృది భూతమిహేష్యతే।
ఏతావదాత్మవిజ్ఞానమేతావద్యదహం స్మృతం।
ఆవయోర్న చ సత్వే వై తస్మాదజ్ఞానబంధనం॥ 12-224-101(74212)
భీష్మ ఉవాచ। 12-224-102x(6130)
ఏవం సువర్చలా హృష్టా ప్రోక్తా భర్త్రా యథార్థవత్।
పరిచర్యమాణా హ్యనిశం తత్వబుద్ధిసమన్వితా॥ 12-224-102(74213)
భర్తా చ తామనుప్రేక్ష్య నిత్యనైమిత్తికాన్వితః।
పరమాత్మని గోవిందే వాసుదేవే మహాత్మని॥ 12-224-103(74214)
సమాధాయ చ కర్మాణి తన్మయత్వేన భావితః।
కాలేన మహతా రాజన్ప్రాప్నోతి పరమాం గతిం॥ 12-224-104(74215)
ఏతత్తే కథితం రాజన్యస్మాత్త్వం పరిపృచ్ఛసి।
గార్హస్థ్యం చ సమాస్థాయ గతౌ జాయాపతీ పరం' ॥ 12-224-105(74216)

ఇతి శ్రీమన్మహాభారతే శాంతిపర్వణి మోక్షధర్మపర్వణి చతుర్వింశత్యధికద్విశతతమోఽధ్యాయః॥ 224॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.